Afrek og aðgerð

Jæja þá ætla ég aðeins að monta mig af börnunum mínum  Pétur var að keppa í fótbolta um síðustu helgi þar sem þeir spiluðu 3 leiki og hann ( markmaðurinn ) var útispilari. Þeir unnu 1 leik gerðu 1 jafntefli og töpuðu einum en það sem ég ætla monta mig af er að liðið hans Péturs skoraði 6 mörk og þar af skoraði hann 4 mörk  

Kara Mist var líka að keppa en í handbolta, hún náði ekki að skora en spilar orðið ansi vel, hefur tekið miklum framförum frá síðasta vetri og gefur ekkert eftir í vörninni og er dugleg að sækja líka, á eftir að verða góð en þarf að æfa gripið betur, enda handbolti og hnéhlífar efst á óskalistanum þessi jól  eða í afmælisgjöf....

Við vorum í foreldraviðtali í skólanum hjá bæði Pétri og Köru Mist í gær, þau fengu eintóma broskalla og frábæra umsögn bæði tvö, meira að segja Pétur fékk góða umsögn í handavinnu hefur tekið miklum framförum ( hefur alltaf hatað handavinnu ) hann sagði við kennarann að hann hefði hugsað mikið um að ákveða að handavinna væri í lagi ,,þó hún væri bara fyrir stelpur,, og eftir það gengi sér betur....fékk nottlega mörg prik fyrir þessi ummæli

Við borðuðum öll saman í gær, Gunnar og Michelle komu og við nutum þess bara að borða Tandori kjúkklingaréttinn sem okkur öllum þykir svo góður...Michelle gerði salatið meðan við vorum á foreldrafundunum, Gunnar og Ævar fóru svo á fótboltaæfingu meðan við tengdamæðgurnar og Jonni elduðum matinn, svo horfðu þeir á landsleikinn meðan við Michelle tókum smá rúnt og spjall sem var ósköp notalegt  

Mér gékk ekki alveg nógu vel að sofna, leit síðast á klukkuna kl 03.30 og var vöknuð aftur um 05.30 ...einhver kvíði í gangi fyrir aðgerðina, var að vekja Ævar minn í skólann, ætla svo að skreppa og knúsa Gunnnar minn áður enn ég keyri af stað....á að vera komin á sjúkrahúsið í Árósum kl.10.45. mig langar að þakka ykkur öllum sem ég heyrði í gær, fyrir að óska mér góðs gengis, það virkilega yljaði og gaf mér mikið  og svo voru nokkrir danskir vinir sem höfðu líka samband eða sendu kveðjur með krökkunum....bara yndislegt....en best að drífa sig af stað....knúskveðja Kolla

Athugasemdir

[Helga (IP-tala skráð) 22.11.2007 kl. 10:45]

Elsku fjölskylda gangi ykkur allt í haginn og verið dugleg að dekra við húsmóðurina  þegar hún kemur heim, og Kolla mín gangi þér vel í aðgerðinni.
góðar kveðjur frá okkur öllum í Arnarsíðunni

[Embla Eir og mamman (IP-tala skráð) 22.11.2007 kl. 16:47]

Elsku Kolla mín vonandi gekk aðgerðin vel og láttu fólkið þitt dekra vel við þig. Gallinn minn kemur sér vel núna í frostinu og er ég mjög stolt að honum og segi öllum að Kolla frænka mín í Danmörku hafi gefið mér hann

Kærar kveðjur frá Emblu Eir jólastelpu og bestu frænku

[Alda (IP-tala skráð) 23.11.2007 kl. 15:05]

Hæhæ vonandi gekk aðgerðin vel hjá þér vinan og afskaðu kvitt leisið ég veiktist svo voðalega og var lögð inná sjúkrahús en var að koma heim og á að vera í rúminu um helgina og reina að ná kröftum aftur en bara kiss kiss og knús kveðja Alda Frænka:)

[Pála (IP-tala skráð) 25.11.2007 kl. 00:11]

Okkur Leó, Pálu og óskýrðri prinsessuni langaði til þess að þakka ykkur fyrir gjöfina sem þið senduð okkur handa litlu prinsessuni. Hún verður sko flott í þessu og okkur vantaði einmitt svona jólakjól með húfu og sokkum :) Ætluðum að taka mynd af henni í því á jólakortin:) En þar sem að ég vissi ekki nr hjá ykkur og Leó og Unnur farin að sofa þá ákvað ég að henda smá kveðju hingað inn.. heyrum svo í ykkur seinna.
Takk fyrir okkur.
Kv Pála :)

[Eydís Hauksdóttir, 25.11.2007 kl. 10:00]

Ég vona að allt hafi gengið vel hjá þér elsku dúllan mín. Skilaðu til allra í fjölskyldunni þinni að þau EIGI að dekra við þig og sjá um heimilið frá A til Ö! Þú átt bara að láta þér batna. Knús og kossar frá okkur öllum í Stuðstrumpalandi, Eydís, Hilmar, Eyþór Atli og Valur Snær

[Arna Ýr (IP-tala skráð) 2.12.2007 kl. 14:08]

hæhæ

 Vonandi gekk allt vel með aðgerðina Takk kærlega fyrir kveðjuna í gær Vonandi líður þér betur og að þetta gangi vel

Ég vona að allir séu duglegir að hjálpast að með heimilið meðan gamla er að jafna sig

* Knús * og þúsund kossar*

 Kv. Arna Ýr, Finnur Bessi og Heiðar Kató