Brenndar bringur, próf og útskrift *********

Nú hafa veðurguðirnir verið svo örlátir við okkur undanfarið með sól og hita, að við liggjum eins og klessur á veröndinni góðu og steikjum okkur svona á milli þess sem við kíkjum í skólabækur og skrifum  Brunnum hressilega á bringum og nebbum um helgina,, maður kann sér ekki hóf,, en erum öll orðin vel útitekin, brún og sælleg núna og Æbbinn orðin svo freknóttur og sætur alls staðar sem sólargeislarnir ná honum  Kortin lofa okkur svona veðri áfram svo langt sem spáin nær, æðislegt ef það rætist.

Ég er á fullu að undirbúa mig fyrir prófin sem verða núna í maí og júní, ég er búin að fá svar frá Verslunarskólanum um að ég er komin inn svo framarlega sem verður næg þáttaka, ég sótti nefnilega um í eldri deildinni þó ég sé svona ung  en vonandi gengur það allt saman.

Jonni er á fullu að vinna lokaverkefnið sitt, hann á að verja 24. eða 25. júní og svo er útskriftin 27. júní. Við ætlum að halda uppá þetta með góðri veislu hérna heima, fer svona eftir veðri hvort það verður grillveisla í garðinum eða hvort við verðum innandyra. Allavega verður veisla hvernig sem viðrar og að sjálfsögðu ættingjar og vinir nær og fjær velkomnir að halda uppá þessi merku tímamót með okkur. LOKSINS !! 5 ÁRA ERFIÐISVINNU AÐ VERÐA LOKIР 

Jonni farinn að þreyfa fyrir sér með vinnu og fer líklega í eitt atvinnu viðtal núna í vikunni eða næstu viku. Svo er búið að hafa samband við hann frá Íslandi með vinnu þar, enn enn enn sjáum til. Ekki fluttningshugleiðingar í gangi núna  

Annars erum við búin að hafa 4 daga helgi, því danirnir hafa það þannig að ef það er frídagur á fimmtudegi þá er frí í skólum og mörgum vinnustöðum á föstudeginum, alltaf að, hygge , sig þessar elskur. Og svo er auðvitað 3ja daga frí næstu helgi líka og við að spá í að skreppa kannski í Djurs-Sommerland, Pétur er búin að prufukeyra nýja rússibanan þar og þótti bara ÆÐI en þau hin eiga þetta eftir, ég fer ekki uppí svona tæki takk. Svo á að vera grillveisla hjá okkur um helgina, held við verðum 9 stk að fagna sumrinu saman  skrifa fréttir af því síðar.....  

    

Athugasemdir

[Hulda (IP-tala skráð) 6.5.2008 kl. 16:27]

það er aldeilis gaman hjá ykkur, ég verð bara að koma út held ég hehe

[Alda besta frænka (IP-tala skráð) 8.5.2008 kl. 12:14]

Hæ sæta ég læt sjá mig á laugardaginn:)

[Helga H frænka (IP-tala skráð) 9.5.2008 kl. 14:35]

Jæja það er gerinilega nó að gera hjá ykkur og GOTT verður það er annað en hér á klakanum í þessum töluðu orðum snjóar bara hjá okkur  en svona er Ísland í dag en passið ykkur á sólinni hehehe  .

Kveðja Helga og co.

[Erla (IP-tala skráð) 9.5.2008 kl. 22:22]

Hæ öll.  Alltaf gaman að fylgjast með með ykkur öllum og ykkar lífi í DK.  Takk fyrir sendinguna til Kristófers á fermingardaginn :-)  Hlökkum til að sjá ykkur í sumar.

Erla og familien.

[Eydís Hauksdóttir, 11.5.2008 kl. 21:46]

Þetta er ekkert smá klikkað veður hérna í baunalandi þessa dagana, úff hvað maður er orðinn brunninn og við erum með viftuna á fullu núna til að kæla okkur niður. Vonandi skemmtuð þið ykkur vel í Djurs Sommerland í gær og í grillveislunni.

Knús og kram úr Stuðstrumpalandi :-)

[Helga Sigrún (IP-tala skráð) 12.5.2008 kl. 19:08]

hæ elskurnar mínar:D ég er svo að bíða eftir að þið komið :D get ekki beðið :O ég er held ég í vikufríi í vinnunni á sama tíma og þið verðið hér, en annars bara bið ég að heilsa ykkur sæta fjölskylda;**

- Helga Sigrún;* 

[silla (IP-tala skráð) 17.5.2008 kl. 10:09]

þad er óhætt ad segja ad vedrid sé búid ad leika vid okkur hérna :) sjáumst kanski um helgina knús knús

[Helga Sigrún;* (IP-tala skráð) 19.5.2008 kl. 10:23]

farðu nú að blogga Kolla mín;D kem hérna á hverjum degi og ekkert blogg;/ er að bíða:)

kv. helga frænka:)

[Sigurrós Yrja (IP-tala skráð) 20.5.2008 kl. 01:19]

Aloha yndislega fjölskylda... JeDúdda... Þetta er engin veðrátta hjá ykkur... þið verðið að passa að brenna ekki undan ykkur botninn... Ég er sem sagt stödd í borginni og svona hið ýmsasta á dagskrá... Búið að vera æðislegt að hitta vini sem ég hef ekki séð í óratíma og solleis...  Og ég er búin að fá út úr einu prófi... Fékk 9 í stærðfræði (af öllu)... Ég vændi kennarann minn að sjálfsögðu um lygar en hann sór þetta enga vitleysu svo að ég er bara montin... Það er reyndar komin nótt og ég er að fara að sofa bara... Ég sakna ykkar alveg óhemju mikið og stundu koma meiraðsegja tár... Það eru 47 dagar í ykkur og ég hlakka óhemju mikið til að fá að knúsa ykkur öll og eyða tíma með ykkur...!!!! 

Ást, knús og kærleikur...

Rósin ykkar....