Haustfrí og Hollandsferð

Sælt veri fólkið

Nú er langþráð haustfrí loksins byrjað  enginn skóli fyrrenn 20. okt, bara æði að fá svona gott frí.

Er samt eitthvað hálfandlaus þessa dagana, er sjálfsagt enn í sjokki eftir allar ömurlegu fréttirnar frá Íslandinu. Finn mikið til með löndum mínum, þessu venjulega fólki sem vinnur og vinnur en getur samt varla náð endum saman. Þetta er bara svo sorglegt allt saman, allt sem maður les í fjölmiðlum um eldra fólkið sem er að tapa ævisparnaðinum fyrir óráðssíu stjórnendanna. Svo eiga börnin okkar og barnabörn að greiða fyrir græðgi þessara hálfvita

En svo ég snúi mér að léttara efni, þá er hann Pétur okkar á leiðinni til Hollands á miðvikudagsmorguninn kl. 6. stundvíslega  hann er voða spenntur, er að fara á fótboltamót fimmtudag og föstudag og svo á laugardeginum á að fara á leik Ajax - Groningen á Amsterdam Arena leikvanginum, sem tekur rétt tæplega 60.000 áhorfendur  svo á bara leika sér í Amsterdam frammá kvöld, en svo verður lagt af stað heim um kl.23.00 um kvöldið og við reiknum með kappanum heim um hádegi á sunnudag. Ætla ekki að neita því að ég er pínu kvíðin að hann sé að fara þetta  hann hefur aldrei farið svona langt frá mér áður, svo þetta er pínu erfitt, en við höfum sjálfsagt bæði gott af þessu.

Á laugardaginn vorum við í Hrekkjarvöku afmæli hjá Eyþóri Atla og Val Snæ  Eydís litla alltaf svo dugleg að skreyta og gera fínt. Það var útskorið Grasker og svo voru alskyns draugar, kóngulær og allt mögulegt skraut út um allt, bara svo flott hjá þeim. Svo voru náttúrulega þvílíku kræsingarnar að við átum öll á okkur stór göt  takk fyrir frábæra veislu elsku litla fjölskylda

Við erum að spá í að skipta út brenniofninum hjá okkur, og leita svo eftir tilboðum í nýja glugga og útihurðir. Þetta er orðið ansi lúið bæði gluggar og hurðir enda orðið 30 ára gamalt. Ætlum að heyra í tengdasyninum í kvöld, þar sem hann er nú húsasmiður og fá einhver ráð um hvað sé best að gera  

Ætla svo að skella mér í klippingu og litun á morgun, er orðin voða mikið mikið þreytt á hárinu á mér, svo það er aldrei að vita hvernig ég kem út. Ævar segist ekki labba með mér á götu ef ég læt klippa mig stutt  en auðvitað geri ég bara það sem mér dettur í hug, algjörlega einfær um að ákveða það

Það er allt gott að frétta af öllum hér, fyrir utan að Jonni er enn atvinnulaus, en vonandi fer eitthvað að gerast í því fljótlega.

Hafið það gott og verið góð hvert við annað, kærleiksknús Kolla  

MUNA SVO AÐ KVITTA ELSKURNAR

p.s

Búin í klippingu  aftur til fortíðar  hvað finnst ykkur svo ?????

   

 

Athugasemdir

[Sigurrós Yrja (IP-tala skráð) 13.10.2008 kl. 22:00]

Þú ert nú meiri túttan mamma mín... Fyrsta sem Nonni sagði  við mig þegar ég kom af fundi var... "Ertu búin að sjá bloggið hennar mömmu þinnar?" Þú ert rosaleg og mikill snillingur mammsí... 

Annars er ég viss um að litli unglingurinn okkar spjari sig fínt út í Hollandi og þetta fari allt eins og í litlu ævintýri...

En lítið annað í bili...

 Ást, knús, sakn og elsk...

Rósin ykkar...

[Sigurrós Yrja (IP-tala skráð) 14.10.2008 kl. 20:46]

Hoba hoba mamma... þúrt svo mikil skutla... Óneitanlega tekur mig til baka um nokkur ár... nema það að þú greinilega fríkar með hverju árinu... sæta mín...

[Hildur Þóra (IP-tala skráð) 14.10.2008 kl. 22:37]

hæ mamma mín.. fer þér vel nýja klippingin algjör gella eins og alltaf

skil ekkert í ævari að vilja ekki labba með þér svona úti á götu, hann kannski býður mömmu sinni bara á rúntin í staðin  ökuþórinn sjálfur heheh

annars bara senda ykkur öllum stórt og gott knús og marga kossa frá kalda íslandi

p.s karles biður að heilsa ykkur líka

[Hafdís Gunnarsdóttir, 15.10.2008 kl. 06:53]

Jæja Kolla mín, þú lést verða að þessu!

Tók nefnilega eftir því að þú stúderaði mikið myndirnar sem voru teknar af þér þegar þið systur og mamma komu óvænt í heimsókn til mín.

Það datt svona inn í hausinn á mér að þú værir að pæla í þessu!

Mér finnst þú bara rosalega flott. Og þetta er kanski miklu betra fyrir þig að hafa þetta svona stutt. Hvað finnst Jonna um þessa breytingu? Og hvað SAGÐI Ævar þegar hann sá þig?

Reynið bara að slappa af og njóta þín í fríinu ykkar!  Þetta er fljótt að líða.

Massa knús og klem frá mér

[Kolla (IP-tala skráð) 15.10.2008 kl. 09:29]

Þakka hrósið dúllurnar mínar  Man ekkert eftir að hafa verið að skoða þessar myndir  en er búin að hugsa um þetta ca 3 vikur án þess að nefna það við nokkurn mann,og ákvað bara að láta verða af þessu  Ævar er ekki búinn að sjá mig og veit ekki neitt, hann kemur heim í dag, er búinn að vera hjá vini sínum í 2 daga. Jonni, Pétur og Kara vissu ekki neitt og urðu ekkert smá hissa þegar ég kom heim, en held að Jonni sé bara ánægður með að fá þá gömlu tilbaka  á eftir að hitta Gunnar og Michelle, verður gaman að sjá svipinn á þeim.

[Silla DK (IP-tala skráð) 15.10.2008 kl. 10:31]

 :) verd ad kikja vid tækifæri og sjá þig ekki spurning:) gott hjá þér ad láta verda af þessu þar sem þú hefur verid ad spá í þessu því þetta er nu bara hár sem alltaf vex ef madur vill láta gera þad aftur :) en ad sjá þig á myndunum sýnist mér þetta nu klæda þig vel :) knús

[Alda besta frænka (IP-tala skráð) 15.10.2008 kl. 10:44]

Þú ert svo mikil PÆJA :)

[Eydís Hauksdóttir, 15.10.2008 kl. 20:45]

Noh, noh, noh, þú ert mega skutla með nýju klippinguna. Þú ert næstum alveg eins og þú varst í brúðkaupsveislunni minni fyrir 8 árum.... bara ennþá sætari. Ástarþakkir fyrir komuna í halloween veisluna og takk fyrir flottar gjafir, strákarnir eru ekkert smá ánægðir

Knús, Eydís litla frænka

[Hedda (IP-tala skráð) 16.10.2008 kl. 09:28]

HÆ

Miklu flottari ekki spurning yngist um mörg ár og það er nú ekki slæmt án gríns þá finnst mér stutt fara þér miklu betur.

Á ekkert að fara að fá sér facebook ???'

kv Hedda

[Sigrún Harðardóttir (IP-tala skráð) 17.10.2008 kl. 18:30]

Svaka flott, bara yngist. Kveðja til ykkar elskurnar.

[Tumma (IP-tala skráð) 20.10.2008 kl. 21:05]

Blessuð. Flottu litur og flott klipping. Fer þér vel. Kv Tumma

[Tumma (IP-tala skráð) 20.10.2008 kl. 21:08]

Ég fór að skoða myndirnar hjá þér og þetta fer þér miklu betur. Þú yngist um mörg ár. Kv Tumma

[Alda (IP-tala skráð) 22.10.2008 kl. 10:47]

kvitt kvitt dúlla :)

[Arna Ýr og Heiðar Kató (IP-tala skráð) 25.10.2008 kl. 08:41]

Hæhæ rosa fín nýja klippingin algjör skvísa þar á ferð við erum á fullu við að græja veislu handa krómprinsinum...hahah segji svona!! það er náttla bara eins og prinsinn í Kína eigi afmæli þetta er svo margt fólk prinsinn á svo marga vini að það er bara sér afmæli handa þeim en vonandi hafið þið það gott knús og kiss á alla

Kv. Verðandi afmælisstrákur og mamman

[Arna Ýr (IP-tala skráð) 27.10.2008 kl. 23:20]

HÆhæ vildum bara segja þér að það eru komin 3 albúm inn örugglega 200 myndir eða eitthvað...vefdagbókin kemur á morgun mamma nennir ekki meiru í kvöld mamman er orðin þreytt en endilega skoðaðu