***** Jonni Maskinmester *****

Jæja þá er Jonni minn búinn með námið sitt  Loksins loksins loksins er vörnin búinn og minn maður náði þessu með glæsibrag. Við keyrðum til Arhus kl 8.30 í morgun, en hann fór svo inn í vörnina kl 13.30 svo hann notaði síðustu 4 tímana til að undirbúa sig og allt gékk þetta samkvæmt óskum, hann fékk 4 í einkunn sem er það sama og 7 á ísl, ekkert smá duglegur þessi elska  Á meðan hann var í skólanum fór ég í Bilka og verslaði stúdentagjöfina hennar Michelle, en hún verður stúdent 27. júní. Svo keyrði ég til Öldu og Borgars, við frænkurnar vesenuðumst smá í Hornslet og keyrðum svo heim til Borgars, þar sem ég fékk svo rótsterkt kaffi, að ég sofna örugglega ekki fyrrenn á þriðjudag  en svo fór ég niður í skóla að ná í ,,Maskinmesteren,, með stóran og fínan blómavönd og knúskyssti hann auðvitað í tilefni dagsins   mikið var hann stoltur og ánægður, þar sem hann sat á bekk í sólinni fyrir utan skólann með bjór og bros yfir allt andlitið, og ég auðvitað líka að springa úr stolti af honum, okkur finnst alveg ótrúlegt að þetta sé búið, þvílík hamingja. Set inn myndir af Meistaranum frá útskriftinni síðar.

Við áttum 9 ára brúðkaupsafmæli í gær og ákváðum að fara út að borða í Arhus eftir vörnina, en svo langaði okkur bara heim að slappa af og fara svo út að borða í kvöld heima í Grenaa ( er maður nokkuð værukær ) en svo er útskriftarhátíðin 27. júní í skólanum og veisla hér heima 28. og þá eru bara 8 dagar í 2 vikna Akureyrískt sumarfrí  

Á morgun förum við svo í sveitina til Öldu og Borgars í innfluttningspartý og þá verður sko aldeilis slett úr klaufunum  okkur verður boðið upp á ísl lambalæri, grænar Ora baunir og eitthvað meira gott að hætti Borgars meistarakokks  hlökkum ekkert smá til, og þar verður Silla dúlla og svo koma Eydís litla frænka og Hilmar sæti með gormana sína, þetta verður sko stuð, Borgar búinn að tengja græjurnar og svo tjúttum við öll saman

Læt þetta duga núna, erum að fara út að borða

 frá okkur hamingjusama fólkinu    

p.s  var í síðasta prófinu mínu í gær, munnlegt dönsku bókmenntapróf og fékk 12  

Athugasemdir

[Silla DK (IP-tala skráð) 20.6.2008 kl. 16:10]

TIL HAMINGJU Jonni minn innilega TIL HAMINGJU og fáid þid skötuhjúin stórt knús frá mér  sjáumst á morgun knús knús

[Alda besta frænka (IP-tala skráð) 20.6.2008 kl. 19:37]

Hæhæ elsku bestu krúsí dúllurnar mínar hjartanlega til hamingju með þennan stóra áfanga í lífi ykkar, hlakka til að hitta ykkur á morgun í sveitinni fögru og borða saman og fá okkur slatta í glas  þetta verður bara gaman en hafið það sem allra best þangað til, og en og aftur til LUKKU elsku dúllurnar mínar þið getið ALLT :)

kveðja Alda stuðbolti :)

[Hafdís Gunnarsdóttir, 20.6.2008 kl. 22:12]

Hæ elsku Kolla mín!

Og INNILEGAR HAMINGJUÓSKIR með þennan flotta árangur.

Mikið varð ég nú glöð þegar þú hringdir í mig og sagðir mér að þú hefðir fengið 12 í dönskuprófinu þínu. Tárin runnu niður kinnarnar mínar.     Ég var SVO stolt yfir þér ! Þú ert svo ótrúlega dugleg stelpa. Þetta áttir þú skilið

Og svo Jonni. INNILEGAR HAMINGJUÓSKIR MEÐ ÞENNAN FLOTTA ÁRANGUR! Bara búin með námið! Þetta verður nú skrítið fyrir þig að ekki þurfa að fara meir í skólann

Já nú eigið þið skilið að slappa af eftir þessa erfiðu törn svei mér þá

Já aftur til hamingju með þennan flotta árangur!

Bestu kveðjur frá okkur þremur í Noregi

Knús Hafdís

[Eydís Hauksdóttir, 22.6.2008 kl. 12:07]

Enn og aftur... innilega til lukku með þennan frábæra áfanga bæði tvö. Þið eruð alveg frábær :-) Takk innilega fyrir skemmtilegt kvöld í gærkvöldi í sveitinni hjá Öldu og Borgari, þetta var rosa gaman :-)

Sjáumst hress í flutningunum eftir nokkra daga.

Knús og kram frá litlu frænku sem er enn í Stuðstrumpalandi

[Eva Rut (IP-tala skráð) 23.6.2008 kl. 20:29]

Til hamingju með áfangann Jonni;) Hlökkum mikið til að hitta ykkur á Akureyri.

Kveðja frá Evu Rut, Jóni Ævari og Emblu Eir tannlausu.....  

[Sigurrós Yrja (IP-tala skráð) 24.6.2008 kl. 14:00]

Þið, elsku foreldrar, eruð mestu stressboltar sem ég þekki þegar kemur að prófum og ég verð að segja að þetta er ástæðulausasta stress sem ég veit um... ÞIÐ ERUÐ SNILLINGAR...!!! Ég er ótrúlega, endalaust stolt af ykkur og innilega til hamingju bæði tvö... Það er tímaleysi að hrjá mig núna svo að ég hef þetta stutt... 12 dagar í hitting og 2ja vikna samveru... LOKSINS LOKSINS EFTIR HRIKALEGAN SÖKNUÐ...!!! 

Ást, knús, sakn og elsk...

Rósin ykkar...