Akureyri 4. júlí :)

Brottfarardegi okkar til Akureyrar var breytt í gær í 4. júlí sem er bara fínt, fáum 2 aukadaga  vonandi í góðu veðri, sól og sælu.

En svo ég segi ykkur aðeins frá útskriftinni, þá var mjög fín athöfn í skólanum á föstudeginum. Svo eftir athöfnina keyrðum við heim og hófum undirbúning fyrir veisluna daginn eftir. Við vorum með grillveislu þar sem Meistarinn stóð og grillaði ofan í 20 gesti og auðvitað varð þetta algjör meistaramatur  rosa gott hjá mínum manni enda algjör snillingur á grillinu. Svo var auðvitað kíkt í glas og mikið sungið við frábæran undirleik Borgars sem er bara snillingur með gítarinn, komumst að því að lagið,, Litla jólabarn,, okkar íslendinga er sumarlag dananna og heitir hjá þeim ,,Lille sommerfugl,, svo við sungum bara sumarið og jólin saman  Eitthvað var svo hringt í skemmtilegt fólk á klakanum og því leyft að njóta gleðinnar með okkar  Meistaranum voru færðar fullt af góðum og fallegum gjöfum og þar á meðal frá íslensku vinum okkar hér í Grenaa eitthvað háþrýstidót sem hann var kominn út að prófa kl 9.15 morguninn eftir  og hefur varla sleppt því síðan, allt orðið voða fínt og þvegið í kringum húsið okkar. Alda litla og Borgar gáfu honum svo Flakkara sem hann varð ekkert lítið glaður að fá, svo komu Eydís og Hilmar með kampavínsglös og 2 flöskur með í voða fínum gjafapakka, svo komu dönsku vinir okkar með fínar gjafir og gjafakort sem hann á eftir að finna sér eitthvað fyrir. En veislan var svo sungin út um 4 leytið og var þá búin að standa í 10 tíma og var alveg meiriháttar gaman að fagna þessu með svona góðum vinum og litlum frænkum

Helgina á undan vorum við í innfluttningspartýi hjá Öldu litlu frænku og Borgari, þar fengum við það besta lambalæri sem við höfum smakkað, a la Borgar, með Ora grænum og bestu sósu ever  Svo voru auðvitað sungin flest íslensk lög sem hafa verið gefin út, því annað eins lagasafn og hjá honum Borgari mínum er vandfundið. 

Nú eru strumparnir Atli Freyr, Heiðmar og Patrekur ( synir Öldu og Borgars ) búnir að vera hjá okkur síðan í fyrrakvöld og allt gengið vel, Pétur alveg í skýjunum með frændur sína sem elska að spila fótbolta eins og hann  svo verða þeir sóttir í dag og við förum af stað kl 6 í fyrramálið til Akureyrar

Hlökkum til að sjá ykkur  

Athugasemdir

[Alda besta frænka (IP-tala skráð) 3.7.2008 kl. 08:42]

Hæhæ dúlla takk fyrir frábæra veislu, vonandi kemur flakkarinn sér á góðum notum :)

sjáumst í dag þegar að við komum og náum í strákana takk fyrir pössunina veit að þeir hafa haft það ferlega gott í kollu og jonna koti :)

Hilsen Alda Stóra frænka :)

[Sigurrós Yrja (IP-tala skráð) 3.7.2008 kl. 12:54]

ÞIÐ ERUÐ AÐ KOMA Á MORGUN, ÞIÐ ERUÐ AÐ KOMA Á MORGUN........ JeDúdda hvað ég hlakka hrikalega til að sjá ykkur og svo eru auðvitað tilbúin RISAKNÚS fyrir ykkur öll.... Veit nú lítið hvað ég á að skrifa núna... Ræð mér varla fyrir fögnuði og veit vart hvort ég sé að koma eða fara.... Ég elska ykkur yndislega fjölskylda....!!!!

Ást, knús, sakn og elsk...

Rósin ykkar...

[Eydís Hauksdóttir, 8.7.2008 kl. 17:54]

Takk fyrir frábæran mat og góða skemmtun í útskriftarveislunni elsku Jonni og Kolla. Það var frábært eins og alltaf að koma til ykkar á fallega heimilið ykkar. Vona að þið séuð að skemmta ykkur vel á klakanum og njótið tímans þar í tætlur með Rósinni ykkar.

Knús og kram frá Lögten