Jæja þá gef ég mér loksins tíma í smá færslu hér á síðuna

En svo ég byrji á jólunum  þá voru þau ósköp ljúf og notaleg. Við höfðum alla krakkana okkar hjá okkur, Sigurrós kom frá Íslandi 18. des, svo hvað er hægt að biðja um meira??? Michelle borðaði með mömmu sinni, en kom svo til okkar um 9 leytið. Við nutum svo bara kvöldsins saman. Við settumst við matarborðið, þegar jólabjöllurnar á Ruv klingdu inn hátíðina, svo eftir matinn sáu öll börnin saman um frágang meðan við Jonni bara slöppuðum af  svo var farið að dansa í kringum jólatréð að dönskum sið og sungum nokkur ísl jólalög. Þetta finnst okkur vera orðin alveg ómissandi hluti af kvöldinu, og ég verð alltaf svo viðkvæm og þakklát fyrir fjölskylduna mína  svo eftir söng og dans sá Pétur um að lesa og deila út gjöfunum, og aldrei og ég meina aldrei, hefur pakkalestur verið svona hraður á mínu heimili fyrr  hann sló öll met í hraðlestri og tók frekar 2 en 1 pakka í ferð  en kvöldið varð semsagt yndislegt.

Við vorum svo bara í slökun dagana á milli jóla og nýárs, fórum í alveg hreint frábært matarboð hjá Eydísi minni og Hilmari mínum, alltaf svo gott að koma til þeirra  borðuðum þar frábæra gæs og yndislega góðan kjúklingarétt. Svo var spilað Trivial langt fram á nótt...Takk elsku Eydís og Hilmar fyrir yndislegt kvöld

Svo um áramótin borðuðum við öll samen aftur og þá borðaði Michelle með okkur, en svo fóru strákarnir og Michelle út að hitta vini. Við Jonni, Sigurrós, Pétur og Kara Mist sátum svo og spiluðum þangað til kominn var tími á flugeldana. Svo eftir flugeldana var spilað meira og svo skoðuðum við gamlar video upptökur til kl.5 um morgunin og þá var loksins farið að sofa...róleg og góð áramót hjá okkur hér á Rådmandsvej

Sigurrós flaug svo til íslands 2. jan og Jonni fór í vinnu 5. jan. en kom svo sem betur fer heim aftur eftir 4 daga, því morguninn eftir að hann kom heim veiktist Kara Mist. Við fórum svo með hana til læknis sem greindi hana með botnlangabólgu, og við til Randers með sjúkrabíl  það var svo ákveðið á sjúkrahúsinu að skera litlu dúlluna. En þegar þeir opnuðu hana kom í ljós að botlanginn var frískur sem aldrei fyrr, vírus herjaði á alla þarma og magann...þeir fjarlægðu nú botlangann samt, sem betur fer, því það gékk illa að finna kauða sem hafði falið sig bak við þykkþarminn  en allt fór þetta vel að lokum og litla mýslan kom með okkur heim daginn eftir...er enn pínu bogin í baki, en allt á réttri leið

Ég fór svo í stóra prófið mitt í morgun, sem ég er búin að vera undirbúa mig fyrir það sem af er janúarmánuði....hef aldrei tekið svona stórt og mikið próf fyrr. Er búin að vera mikil verkefnavinna í 7 verkefnum, um kaup og sölu á fjarskiptafyrirtækinu TDC sem er eins og Síminn á Íslandi...allskyns skipulagsvinna í kringum þetta og þar sem ég hef aldrei haft áhuga fyrir fjarskiptum og tækni leist mér ekkert sérstaklega vel á þetta, og varð enn kvíðnari þegar ég missti svo 3 daga úr undirbúningi vegna veikinda Köru Mistar... svaf svo litla 2 tíma í nótt og æfði mig svo frá 5-9 í morgun....og hvað haldiði.....gékk svona rosa vel og fékk heila 12 í einkunn....hæðsta sem hægt er að fá!!!!!!  er svo stolt af sjálfri mér...hafði sett markið á 7 þar sem prófið var svona stórt og umfangsmikið...er ekki enn að ná þessu    ræð mér bara ekki fyrir fögnuði  varð að fá að deila þessu með ykkur  þar sem Jonni minn er ekki heima til að fagna þessu með mér, en kemur heim eftir 8 daga og þá verður sko haldið uppá þetta

Hafið það sem allra best kæru vinir og verið góð hvert við annað....hamingjukveðja Kolla

Já gott fólk...þá er loksins atvinnuleitinni hjá Jonna lokið    og við auðvitað alveg í skýunum með það....enn hann er búinn að sækja um yfir 60 störf síðan í sumar og við farinn að verða pínu áhyggjufull með þetta allt saman...Svo kom kippur í atvinnuleitina og hann var boðaður í nokkur viðtöl, og var á miðvikudaginn í viðtali hjá Dong Energi á Sjálandi...átti svo að fá svar þaðan í lok næstu viku. En svo morguninn eftir hringdu þeir og buðu honum vinnu og hann mætti byrja á mánudag  Svo besta jólagjöfin í ár er komin í hús hjá okkur  

Dong Energi er orkuver svipað og Landsvirkjun á Íslandi....sem sér Sjálandsbúum fyrir rafmagni og er með einhverjar 70 vindmyllur á hafi úti...Jonni kemur til með að vera í burtu frá 3 og uppí 8 daga í einu en svo eru frá 3 til 8 daga frí á milli og helgarfrí aðra hverja helgi...okkur líst öllum voða vel á þetta og hann mjög spenntur að byrja

En svo ég segi ykkur aðeins frá öðru að þá var Berlínarferðin okkar alveg frábær !!! full af rómantík  og yndislegum upplifunum í Austur- Berlín. Að labba meðfram múrnum og horfa yfir borgina frá þaki Kaþólsku Dómkirkjunnar er alveg meiriháttar upplifun. Fallegasta kirkja sem við höfum komið inn í. Allar fallegu byggingarnar sem verið er að endurbyggja eftir seinni heimstyrjöldina, duttum óvart inná mjög skemmtilegt vaxmyndasafn í Austur Berlín þegar við vorum að rölta þarna um....Ótrúleg saga þessarar fallegu borgar og alveg á hreinu að þangað ætlum við aftur  

Annars er allt gott að frétta af okkur öllum hér...Ævar hætti í Menntaskólanum um miðjan nóv, var ekki alveg að finna sig þar, svo hann byrjaði í Verknámsskóla daginn eftir og er mjög ánægður. Hann er þar á trésmíðaverkstæðinu og svo fékk hann vinnu við að þrífa banka 2 tíma á dag eftir skóla og er bara alsæll með lífið  hjá Pétri og Köru mist gengur allt vel og þau mjög dugleg í skólanum, fótbolta og handbolta....

Ég er búin að vera heima þessa viku með vírus í hálsinum segja doksarnir, ekki mjög heppilegt rétt fyrir prófin en lítið við því að gera...er ekkert farin að baka eða gera neitt fyrir jólin, fyrir utan jólagjafakaup...dembi mér í baksturinn meðan Jonni verður á sjálandinu í næstu viku

Já,, og svo auðvitað til hamingju með 27 ára afmælið Hafdís mín  stóra systir í Norge er afmælisbarn dagsins í dag  eldist samt ekki neitt þessi elska......

Og nú eru bara 13 dagar í að Sigurrósin okkar komi í 2 vikna heimsókn  erum löngu farin að telja niður og hlökkum öll svo til komu hennar

Kveð að sinni í sæluástandi....fer alveg að gefa mér tíma í að setja inn ný albúm  

Muna kvitta takk

Sælt veri fólkið

Nú er langþráð haustfrí loksins byrjað  enginn skóli fyrrenn 20. okt, bara æði að fá svona gott frí.

Er samt eitthvað hálfandlaus þessa dagana, er sjálfsagt enn í sjokki eftir allar ömurlegu fréttirnar frá Íslandinu. Finn mikið til með löndum mínum, þessu venjulega fólki sem vinnur og vinnur en getur samt varla náð endum saman. Þetta er bara svo sorglegt allt saman, allt sem maður les í fjölmiðlum um eldra fólkið sem er að tapa ævisparnaðinum fyrir óráðssíu stjórnendanna. Svo eiga börnin okkar og barnabörn að greiða fyrir græðgi þessara hálfvita

En svo ég snúi mér að léttara efni, þá er hann Pétur okkar á leiðinni til Hollands á miðvikudagsmorguninn kl. 6. stundvíslega  hann er voða spenntur, er að fara á fótboltamót fimmtudag og föstudag og svo á laugardeginum á að fara á leik Ajax - Groningen á Amsterdam Arena leikvanginum, sem tekur rétt tæplega 60.000 áhorfendur  svo á bara leika sér í Amsterdam frammá kvöld, en svo verður lagt af stað heim um kl.23.00 um kvöldið og við reiknum með kappanum heim um hádegi á sunnudag. Ætla ekki að neita því að ég er pínu kvíðin að hann sé að fara þetta  hann hefur aldrei farið svona langt frá mér áður, svo þetta er pínu erfitt, en við höfum sjálfsagt bæði gott af þessu.

Á laugardaginn vorum við í Hrekkjarvöku afmæli hjá Eyþóri Atla og Val Snæ  Eydís litla alltaf svo dugleg að skreyta og gera fínt. Það var útskorið Grasker og svo voru alskyns draugar, kóngulær og allt mögulegt skraut út um allt, bara svo flott hjá þeim. Svo voru náttúrulega þvílíku kræsingarnar að við átum öll á okkur stór göt  takk fyrir frábæra veislu elsku litla fjölskylda

Við erum að spá í að skipta út brenniofninum hjá okkur, og leita svo eftir tilboðum í nýja glugga og útihurðir. Þetta er orðið ansi lúið bæði gluggar og hurðir enda orðið 30 ára gamalt. Ætlum að heyra í tengdasyninum í kvöld, þar sem hann er nú húsasmiður og fá einhver ráð um hvað sé best að gera  

Ætla svo að skella mér í klippingu og litun á morgun, er orðin voða mikið mikið þreytt á hárinu á mér, svo það er aldrei að vita hvernig ég kem út. Ævar segist ekki labba með mér á götu ef ég læt klippa mig stutt  en auðvitað geri ég bara það sem mér dettur í hug, algjörlega einfær um að ákveða það

Það er allt gott að frétta af öllum hér, fyrir utan að Jonni er enn atvinnulaus, en vonandi fer eitthvað að gerast í því fljótlega.

Hafið það gott og verið góð hvert við annað, kærleiksknús Kolla  

MUNA SVO AÐ KVITTA ELSKURNAR

p.s

Búin í klippingu  aftur til fortíðar  hvað finnst ykkur svo ?????

Jæja þá er ég búin að fá tölvuna mína heim eftir erfið veikindi svo nú er engin afsökun að blogga ekki

Svo ég byrji nú á Gunnari  að þá átti hann afmæli 29. ágúst og er orðinn 21 árs... alveg hreint ótrúlegt að vera svona ung og eiga svona fullorðin börn. En á afmælisdaginn komu þau í mat til mömmu eftir að hafa eytt deginum á Arhus í verslunarferð Gunnar, Michelle og Árný vinkona Gunnars frá íslandi sem var í heimsókn hjá þeim. Eftir matinn fóru þau svo öll í keilu ásamt Sigurrós og Ævari. Held hann hafi bara verið ánægður með daginn sinn þessi elska

Svo núna 3. sept fór Ævar í bílprófið og náði því með glæsibrag og er búinn að vera á rúntinum síðan. Alveg sama hvað hann er beðinn um, alltaf tilbúinn að skutlast. Skruppum til Öldu og Borgars í gær og sátum bara í aftursætinu eins og fínt fólk með einkabílstjóra, því hann bauð Pétri að sitja frammí hjá sér  og Pétur auðvitað mjög ánægður með stóra bróðir. Svo fer hann með Köru Mist og Ídu á eftir að ná í Pétur til Öldu, því hann varð eftir í gær.

Ég er bara á fullu í skólanum og má hafa mig alla við, mér finnst þetta með því erfiðara sem ég hef gert. Að læra ensku og Þýsku á dönsku og svo auðvitað er ég í dönsku og samfélagsfræði líka. Það eru 2 dagar í viku þar sem ég er með öll tungumálin sama daginn  og kem svo heim með allt í graut í hausnum á mér  stundum finnst mér ég sé að takast á við fullmikið, að vera 35 tíma á viku + heimaverkefni, en svo eftir smá hausverk og vangaveltur kemur þrjóskan uppí mér og ég hugsa ég skal geta þetta   vona bara að hendin klári þetta.

Af Jonna er það að frétta að hann er að fara í starfsviðtal í næstu viku hjá Tannhjólaverksmiðju í Randers, hann sótti um starf sem gæðastjóri hjá þeim svo það verður spennandi hvort eitthvað kemur útúr því, en annars á hann 4 aðrar umsóknir úti sem hann er að bíða eftir svörum með.

Læt þetta duga í bili knúsi knús á ykkur öll og ekki gleyma kvitta

Jæja komst loksins í tölvu og ákvað að skrifa nokkrar línur

En þannig er að tölvan mín veiktist við heimkomu frá Íslandi og er í aðgerð hjá Dr. Borgari Tölvulækni

Íslandsferðin var frábær fyrir utan kuldann brrr fyrri vikuna.  Við lentum í þessu frábæra beina flugi til Akureyrar með Iceland Express, sem átti bara að taka 3 tíma en þar sem við þurftum að millilenda í Keflavík v/bilunar og bíða þar í 3 tíma, fljúga svo á Egilsstaði og fara þaðan með rútu,, sem var að hruni komin,, til Akureyrar þá tók ferðin ekki nema litla 12 tíma  og allir orðnir frekar pirraðir, en loksins tók þetta dásamlega ferðalag enda og vorum við fljót að detta útaf eftir að hafa skroppið í síðbúið afmæliskaffi til mömmu og rétt komið við og knúsað tengdó.

Fyrri vikan fór að mestu í að hitta vini og ættingja, frábær matarboð og skemmtilegar samverustundir

Seinni vikuna vorum við aðeins heppnari með veðrið svo við vorum mikið útivið með dönsku vinunum okkar sem voru með okkur. Fórum dagsferð í Mývatnssveit og fórum að sjálfsögðu í jarðböðin, Dimmuborgir og Námaskarðið, svo var komið við á heimleiðinni og keyptur reyktur Silungur   Sveinbjörn mágur var svo elskulegur að gefa okkur fullt af Soðibrauði og Flatbrauði og svo bakaði Tengda mín Kleinur og Soðibrauð svo við erum enn að borða ísl brauð með reyktum Silungi  Hedda og Gummi voru svo yndisleg að lána okkur fallega húsið sitt meðan þau voru á Tenerife, en svo vorum við líka í bústaðnum þeirra tengdó sem er bara æðislegt að vera í, ástarþakkir öll fyrir lánið á húsnæði og allt brauðið sem við erum enn að njóta  Helga og Helgi buðu svo Köru Mist og Pétri í útilegu/ættarmót sem þeim fannst alveg frábært að fá að fara í  takk fyrir það.

Guðný og Arnór komu svo með okkur heim með öll sín börn og tengdason + vinkonu Báru Sifjar hana Töru, þau voru í bústað hér í Grenaa í 2 vikur, Arnar Snær kom líka með okkur og var alveg yndislegt að hafa þau öll. Brölluðum margt saman, fórum í Legoland og allavega 4sinnum í Djurs-Sommerland, svo var farið í dýragarð og nokkrum sinnum á ströndina, veðrið lék við okkur með 30 st hita og sól allann tímann  en mikið sakna ég þess að hafa ekki Arnar minn lengur, því geðbetra barni hef ég ekki kynnst. Hann kom blístrandi fram á morgnana og fór  í rúmið á kvöldin og glaður og brosandi allan tímann. Hann bræddi mig alveg  

En svo átti hún Guðný mín stór afmæli hér hjá okkur, orðin FERTUG sú gamla, við fórum öll saman á Steikhús Huset í tilefni dagsins, vorum bara 18 stk. Við vinkonurnar með sætu kallana okkar + börn, tengdabörn og 2 aukabörn, bara æði og svo enduðum við kvöldið á Mc'Donalds í ís

En nú er skólinn byrjaðu hjá okkur öllum og Jonni byrjaður á fullu í atvinnuleit sem vonandi kemur eitthvað út úr fljótlega

Svo er Sigurrós að koma til okkar á föstudagskvöldið og við öll að springa úr spenningi að fá hana, þar sem lítill tími gafst í samverustundir í Íslandsheimsókninni. Hún ætlar að vera hjá okkur í 9 daga og meiningin að fara í smá túristaleik með hana  getum ekki beðið.

Þetta er orðin algjör langloka hjá mér og örugglega gleymt einhverju merkilegu en það verður bara að hafa það.

Knúsi knús Kolla

p.s

Verð að segja ykkur að Helga og Helgi urðu amma og afi 11. ágúst þegar Hrönn og Steini eignuðust litla gullfallega prinsessu sem hefur fengið það fallega nafn Sonja, bestu hamingjuóskir með litlu dúlluna